媽媽教我的詩 媽媽教我的詩
即日起至11/4(日)報名
客語
團體組

栗林薑蔴隊

阿姆个手

阿姆,恁久好嗎?
凭到阿姆个耳公脣,𠊎細細聲問
影到嘴角脣淺淺又得人惜个笑容
阿姆這賁賁个手,層層疊疊个皺手皮
囥等一頁又一頁个日記

摎𠊎兜洗身換衫褲
牽𠊎兜个手學寫字畫圖,
細人仔沒乖時節擎竹修仔教子
一雙帶等惜子心手落仔个手

緊工時節愛𢯭手,撩秧餅曬穀
這雙手,乜愛理三餐兩點心
㓾雞捋鴨、舂粢打粄
愛分來換工𢯭手个鄰舍暖心肚
摎屋家撐起抵雨遮日頭,該支遮篙个手

深更夜靜 恬索索仔
這雙手,擎等水油火把 ,星光帶路
跈等狗吠聲遽遽行
燈盞火.剪刀.苧仔索陪等佢
牽起細人仔人生平安个手

牽等阿姆的手 凭到阿姆个心肝頭
阿姆揇等睡目个燒暖
無麼个比這較讚哩

目前 7