媽媽教我的詩 媽媽教我的詩
即日起至11/11(三)報名
客語
個人組

芊妤

書包

吂天光 佢背起一隻書包
書包肚裝等 屋下人个期望
大門前 愛認真,愛煞猛噢!
係大人 一擺過一擺个叮嚀
臨暗頭 佢背等一隻書包
書包肚裝等 歸學校个期待
校門口 愛注意 愛小心噢!
係先生 一擺過一擺个提醒
三更半夜 佢背起一隻書包
書包肚裝等 全世界个盼望
補習班前 到這位來 遽上車噢!
係親人 親切過疼惜个招喚
天光日 為著大家
佢背傴傴仔 共樣乜還愛恁樣
背等 緊來緊重个書包